Придите вси языцы,
Воспоем песнь Дивному Богу,
Сотворшему радость премногу.
Днесь в вертепе лежит в яслех
Отроча младо превечныи Бог,
Бывает убо свет пресветлыи Бог.
Славу многу Вышнему Богу
Ангелы и человецы дадите,
Рожденному дары принесите.
Царь же Ирод бысть прискорбен,
Что Царь небу и земли родися,
В вертепе во яслех положися.
Волхвов к Нему посылает:
«Шедше Ему дары принесите,
И мне о Нем возвестите.
Да и аз шед, поклонюся».
Тщетная о Нем помышляет,
Убити Его взыскает.
Волсви шедшее до вертепа,
Звезда им путь показала,
Идеже отроча верху стала.
И припадше, поклонишася
И дары ему принесоша:
Злато и ливан и змирну.
Весть приемше от Ангела,
Ко Ироду не возвратились,
Иным путем отыдоша.
Царь же Ирод возрыдает,
Младенцы избити посылает,
Двою лету и нижайше.
Мы же верни со Ангелы
Слава вышних Богу
Принесем хвалу премногу.