Человек бе некто богатый
Имел у себе он два сына.

И рече юнейший отцу сын:
«Отче, даждь мне часть от богатства».

Послушал отец милосердый,
Разделил имение равно.

Вскоре младый сын отбегает,
Отчее богатство взимает.

Отеческих недр отлучился,
На чужей стране поселился,

Расточил богатство и дары,
Данныя отеческой славой.

Грех блудный изволил имети,
Как в темнице темной сидети.

Свойственно греху дар имети свой:
Приходит глад крепок во стране той.

Начал от глада изнемогати,
О богатстве стал он рыдати:

«О, горе мне грешнику сущу!
Горе, благих дел не имущу.

Расточих богатство духовно.
Живя во стране сей голодно,

Совлекохся первыя одежды,
Божия лишихся надежды.

Се моя одежда и дела
Убивают душу и тело.

Отидох далече на страну,
От рожец питатися стану.

Дому чужд небеснаго владыки,
Недостоин житии с человеки.

Временная предпочитаю,
Явиться отцу как, не знаю.

Паду пред отцом, умилюся.
И сего пищи наслаждуся.

Пойду и реку ему смело:
Согреших ти, отче мой, зело,

Приими заблуждьшаго сына,
Яко от наемник едина».

Видит отец сына идуща,
Умиленный образ имуща,

И тек, нападает на выю:
«Не тужи, аз грех твой отмыю», –

Начат любезно лобызати,
Первое богатство давати –

Облекает в светлую одежду,
Дает сыну благу надежду.

Перстень на руку возлагает –
Первую печать подавает.

И всей красоте сподобляет,
Пения и лики созывает.

Глаголет старейшему сыну,
Со отцем пребывшу выну:

«Брат твой сей, мертв бе и ожил есть,
Пришедыи к нам и ожил есть.

Достойно есть радость имети,
Со ангелы вкупе воспети».

Коль щедра отца вы стяжасте,
В милости богата познасте.

Всяк кто убожает зело,
Приходит к нему паки смело,

И первую часть он взимает,
Во первом достоинстве пребывает.