Мати милосерда!
Ты еси ограда,
От лютаго злаго врага
Храниши мя всегда.
Он, лютый, рыкает,
Бедна мя хищает.
Скоро, скоро твоя помощь
От того избавляєт.
Не вем аз кончину,
Дня того годину,
К тебе, к тебе Царица,
Очи мои выну.
Прошу тя, прещедру,
Матерь милосерду,
Глас услыши, плачь мой внуши,
Молю тя, прещедру.
Руце да воздену
Ко твоєму Сыну,
Мати, Мати преблагая,
Ходатайствуй к нему.
Тебе, Дево, молю,
Воплем крепким зову,
Душу, сердце, воздыханье —
Преклоняю главу.
Тебе поют горы,
Архангел собори,
Херувими, серафими,
Господства с престольми.
О Царице Вечна,
О Слава Превечна!
Тебе хвалят Тебе славят,
Хвальна буди вечно.
Аз скорбный молю,
Главу к Тебе клоню
Всегда, всегда, Госпоже всех
Благость Твою хвалю.
Приклони ми уши,
Болезнь мою внуши
Скорбный слезный глас плачевный
Скоро ми услыши.
Горько в сем свете,
Пристанища несть зде
Волны злобны житейстии
Погружают везде.
Зело враг прельщает,
Злобный он хищает.
Не даждь не даждь мене тому,
Да мя не прельщает.
Злобы лук напряже,
Яда стрелу разже,
В мое сердце и утробу
Жало греха вонзе.
Моли о мне Сына,
О, Мати Предивна.
Украшена вечно в солнце,
И во святых дивна.
Призри Своим оком,
В небеси широком
Вечно живешь и царствуешь
Во веки веком.