О, днешнее чудо мы вам сказуем.
Слышателем всем повествуем,
Что от чистыя Девы Христос ныне родися.
Свет от света воплотися.
Пеленами убогими повився
И во яслех скотских положися.
Вся нас ради Всесильныи Бог содевает,
Сыи земен с человеки бывает.
Солнце в вертепе обитает.
Царь всей Поднебесней млекомся питает.
О, чудо новое и преславное,
Что звезда Его почитает,
Луна же над ним приникает.
Пастырие тамо свиряюще,
Зримомуся удивляющее.
Ангели песнь красну поюще,
Слава в вышних Богу вопиюще.
О, чудо дивное и от веков неслыханно.
Что, как звезда царей перских путем водит.
Отроча узревшее падоша,
Дары ему принесоша.
Злато, и ливан, и змирну,
Яко царю и Богу премирну.
Молим же и мы вас да и мы вместо змирны
Принесите Христу дела премирны.
Да и Он вам даст велики дар в небеси
Яко Бог всем и Царь.
Мы же его яко Царя всемирна почитаем.
Благодателя всяческих и Отца призываем.
Мы ныне рожденному с Материю покланяемся,
От всяких зол лишаемся.
Ты же пречестныи господине, о Бозе возрадуйся
И возвеселися сей године.
А мы вас сим праздником поздравляем.
Позволь же радостно всегда Тя хвалити.
Вразуми господине, чем Вас подарити,
Чтоб весело было нам вам воспевати,
Любви вашей много лет восклицати.
Многа лета, многа лета, многа лета.